■ समस्यांवर खुला संवाद, एकतेचा नवा संकल्प
नागपूर समाचार : विदर्भ हिंदी साहित्य संमेलन, नागपूर येथे भारतीय रिअल इस्टेट सल्लागार / एजंट वेलफेअर युनियनची एक महत्त्वपूर्ण बैठक पार पडली. या विशेष बैठकीत नागपूरसह अकोला, वर्धा, गोंदिया अशा विविध जिल्ह्यांतून आलेल्या रिअल इस्टेट सल्लागारांनी मोठ्या संख्येने सहभाग नोंदवला. ही बैठक विदर्भातील रिअल इस्टेट क्षेत्राला नवीन दिशा व ऊर्जा देणारी ठरली.
या बैठकीचे अध्यक्षस्थानी युनियनचे संस्थापक व राष्ट्रीय अध्यक्ष श्री. राजवीर सिंह होते. त्यांनी युनियनच्या आतापर्यंतच्या वाटचालीची माहिती दिली आणि पुढील काळात एकत्र राहून काम करण्याची रणनीती उपस्थित सदस्यांसमोर मांडली. त्यांनी स्पष्टपणे सांगितले की, “रिअल इस्टेट क्षेत्रात सन्मान, पारदर्शकता आणि सुरक्षा मिळवून देणे हेच आमचे मुख्य उद्दिष्ट आहे.”
बैठकीची सुरुवात डॉ. के. एम. सुराडकर (कार्यकारी अध्यक्ष) यांच्या प्रेरणादायी प्रस्तावनेने झाली. मंचावर श्री. संजय कृपाण (उपाध्यक्ष), श्री. संजय धापोडकर (संयोजक) आणि इतर मान्यवर पदाधिकाऱ्यांनी आपल्या अनुभवांद्वारे मार्गदर्शन केले.
श्री. प्रशांत निनावे (सह-कोषाध्यक्ष) यांनी सूत्रसंचालनाची जबाबदारी अत्यंत चोखपणे पार पाडली आणि श्री. मोहन बडवाईक (सचिव) यांनी कार्यक्रमाच्या समन्वयात उत्कृष्ट योगदान दिले.
या बैठकीची खासियत म्हणजे खुल्या मंचाच्या माध्यमातून विविध जिल्ह्यांतील सल्लागारांना आपापल्या समस्या मांडण्याची संधी मिळाली. रिअल इस्टेट क्षेत्राशी संबंधित प्रत्यक्ष अडचणी ऐकून श्री. राजवीर सिंह यांनी सर्वसमावेशक आणि उपायकारक रणनीती सादर केली, ज्यामुळे उपस्थित सल्लागारांमध्ये नवचैतन्य निर्माण झाले.
बैठकीत सर्व सदस्यांनी एकमताने ठरवले की येत्या काळात सल्लागारांच्या हक्क, ओळख आणि सन्मानासाठी संघटित प्रयत्न केले जातील. सदस्य संख्या वाढवणे, कायदेशीर मदत उपलब्ध करणे, पोलीस व प्रशासनाशी योग्य समन्वय ठेवणे या मुद्द्यांवर सुद्धा सविस्तर चर्चा झाली.
ही बैठक केवळ संघटनेच्या बळकटीचे प्रतिक ठरली नाही, तर रिअल इस्टेट सल्लागारांच्या हितासाठी सकारात्मक बदल घडवून आणण्याचा ठोस टप्पा ठरली.
