विदर्भ समाचार : जम्मू-काश्मीरमधील पहलगाम येथे झालेले भ्याड दहशतवादी हल्ले संपूर्ण देशाला हलवून गेले. पर्यटनासाठी गेलेले अनेक निरपराध नागरिक या हल्ल्यात मृत्युमुखी पडले. त्या प्रत्येकाच्या वेदनेत संपूर्ण भारत सामील होता. परंतु, या क्रूरतेचा फक्त शोक करून थांबणारा भारत नाही, याची प्रचीती ‘ऑपरेशन सिंदूर’मुळे पुन्हा एकदा मिळाली.
भारतीय सुरक्षादलांनी ज्या धाडसानं, अचूक नियोजनानं आणि राष्ट्रभक्तीनं या हल्ल्याचा प्रतिशोध घेतला, ते प्रत्येक भारतीयासाठी गौरवाचं आणि गर्वाचं प्रतीक ठरलं आहे. या ऑपरेशन अंतर्गत अनेक दहशतवाद्यांना ठार करण्यात आलं आणि त्यांच्या अड्ड्यांचा पूर्णपणे बीमोड करण्यात आला.
ही कारवाई म्हणजे केवळ सामरिक यश नव्हे, तर भारताच्या सैनिकी ताकदीचा, गुप्तचर यंत्रणांच्या कार्यक्षमतेचा आणि नेतृत्वाच्या ठाम भूमिकेचा प्रत्यय देणारा ठळक ठसा आहे.
या यशस्वी मोहिमेमागे उभं राहिलं पंतप्रधान नरेंद्र मोदी यांचं प्रबळ आणि धाडसी नेतृत्व. त्यांनी या संकटसमयी अत्यंत संवेदनशील आणि ठोस निर्णय घेतला. त्यांच्या स्पष्ट भूमिकेमुळेच भारताने जगाला दाखवून दिलं – आपण शांतताप्रिय आहोत, पण जर कोणी आमच्या जनतेवर हात उचलला, तर त्याला माफ केलं जाणार नाही.
‘ऑपरेशन सिंदूर’ हे केवळ दहशतवाद्यांना दिलेलं उत्तर नाही, तर संपूर्ण भारतवासीयांच्या सुरक्षेसाठी दिलेला दृढ संदेश आहे. हे एक प्रकारचं राष्ट्रशक्तीचं दर्शन आहे – जेव्हा देशावर संकट येतं, तेव्हा आपण एकत्र उभं राहतो, आणि योग्य वेळी योग्य उत्तर देतो.
या शौर्यगाथेमुळे हल्ल्यात शहीद झालेल्या निरपराध नागरिकांना खरी श्रद्धांजली अर्पण झाली आहे. त्यांच्या बलिदानाचा बदला घेतल्याची भावना देशवासीयांच्या मनात संतोष आणि अभिमान निर्माण करणारी ठरली आहे.
पंतप्रधान नरेंद्र मोदी, भारतीय लष्कर, गुप्तचर यंत्रणा आणि सर्व सुरक्षादलांचे शतशः आभार आणि वंदन!
देशासाठी केवळ शब्दाने नव्हे, तर कृतीनेही बांधिलकी काय असते, याचं हे सर्वोत्तम उदाहरण आहे.
