नागपूर समाचार : भारती कृष्ण विद्या विहारतर्फे राष्ट्रीय विज्ञान दिन 2023 उत्साहात साजरा करण्‍यात आला. विज्ञान विभाग प्राथमिक शाळेने पूर्ण उत्साहात आणि सांघिक भावनेने हा दिवस साजरा केला.
प्राथमिक शाळेच्या विद्यार्थ्यांनी अल्बर्ट आइनस्टाईन, आयझॅक न्यूटन, थॉमस एडिसन आणि सी.व्ही.रामन या शास्त्रज्ञांचे चित्रण केले. विद्यार्थ्यांनी प्रकाश संश्लेषणाचे कार्य आणि पाणी शुद्ध करण्याच्या पद्धतीही स्पष्ट केल्या.
शाळेच्या मुख्याध्यापिका छाया चतुर्वेदी, उपमुख्याध्यापिका अनिता नंदा समुद्रे, शैक्षणिक पर्यवेक्षक भावना घुबे आणि पूर्व प्राथमिक व प्राथमिक पर्यवेक्षक राखी पांडे यांनी विद्यार्थ्यांचे अभिनंदन करून त्यांचे कौतुक केले. विज्ञान विभाग प्रमुख श्रद्धा बोरकर आणि वैशाली टेकाडे यांनीही विद्यार्थ्यांचे कौतुक केले.
